عارفه يعنى ايه الطبخ الصحي
يعنى تحاولى على قدر المستطاع تقللى الدهون أو تستغنى عنها فى أكلك لأنها العدو الأول للجهاز الهضمى والكبد... ولازم نتفق ان لما أكلك يبقى خفيف هتبقى صحتك كويسة وجسمك طبعا أحلى كتييييييييير.... هتقولى طب ممكن نعمل ايه بدالها... بصى يا ستى.....
لما تعملى الرز استعملى زيت الزيتون أو الذرة لأنها أقل فى الدهون من الزبدة والسمن...
مهم جدا لما تعملى فراخ تنزعى منها الجلد والدهن اللى جواها (قبل ما تسلقيها) لأنها بتحتوى على مواد ضارة.... وكمان عشان الشوربة تبقى صحية...
ركزى ان معظم أكلك يبقى مسلوق أو على البخار أو سوتيه... وطبعا الشوى ده أطعم كتير وصحى جداااا... وعشان تخلى طعم الحاجة اللى هتشويها أحلى... استعملى الزبادى مع عصير الليمون والخل ولو عندك مسطردة .... وأكيد تستعملى الثوم والبصل مع التوابل اللى بتدى أحلى نكهة للأكل زى البهارات والقرفة والزعتر والروز مارى وتنقعى فيهم الحاجة لمدة ثلاث أو أربع ساعات قبل الشوى.. وأخيرا.... متنسيش تفرشى الطبق بالبقدونس قبل ما تحطى المشويات لما للبقدونس من فوائد فى حرق الدهون (كما شرحناها من قبل).
ليست هناك تعليقات:
إرسال تعليق
أضف تعليقك على هذا الموضوع